Warar dheeraad ah ayaa kasoo baxaya qarax xooggan oo xalay gudaha magaalada Muqdisho lagula beegsaday saraakiil katirsan dowladda Federaalka iyo Q.Midoobay.
Qarax gaari oo ka dhacay degmada Waaberi ayaa lagu beegsaday shaqaale katirsanaa xafiiska R/wasaare Xasan Cali Kheyre iyo sarkaal u shaqeynayay UN-ka.
Jugta qaraxa oo laga maqlay inta badan xaafadaha degmada Waaberi waxaa ku dhintay nin sarkaal ah oo ushaqeynayay Q.Midoobay kaas oo magaciisa lagusoo gaabiyay Murtad Bashiir Waaloow.
Xarakada Mujaahidiinta Al Shabaab ayaa sheegatay mas’uuliyadda qaraxan ka dhacay degmada Waaberi sida ay baahisay Idaacadda Andalus, markii uu qaraxu dhacay kadib ayay goobta soo gaareen ciidamo katirsan DF-ka iyagoo daabulay dadkii dhintay iyo kuwii dhaawacmay.
Wararka ayaa intaas ku daraya in uu burburay gaarigii qaraxu beegsaday ee ay la socdeen shaqaalaha xafiiska Xasan Cali Kheyre iyo sarkaalka katirsan UN-ka ee ladilay.
