Diyaaradaha Dronesta Maraykanka ayaa duqeymo aan loo meel dayin waxay maalmihii lasoo dhaafay ka geysanayeen deegaannada u dhow saldhiga garoonka Ballidoogle oo ah taliska ugu weyn ee ciidamada Maraykanku ku leeyihiin Soomaaliya.
Diyaaradaha ayaa duqeynaya dadka xoola dhaqatada ah ee ku dhaqan tuulooyinka u dhow Ballidoogle, waxaana dhacay duqeymo dhaliyay khasaare isuga jira dhimasho iyo dhaawac.
Marka laga soo tago khasaaraha dhimashada iyo dhaawaca, waxay duqeymahan dhaliyeen iney kala lumaan waalidiin iyo caruurtooda, maadaama dadka reer baadiyuhu aaney dhegahooda ku badneyn duqeymaha waaweyn, ayna aad uga cabsadaan.
Maraykanka ayaa aad uga xanaaqsan weerarkii cuslaa ee dhawaan Xarakada Mujaahidiinta Al-Shabaab ku qaaday saldhiga Ballidoogle, halkaas oo ay ku dishey 121 askari oo Maraykan ah, 12 Yahuud ah iyo 40 qandaraaslayaal ah oo u shaqeynayay ciidamada Maraykanka.
Dhanka Kale wararka ka imaanaya xuduud beenaadka ay wadaagaan Kenya iyo Soomaaliya ayaa sheegaya in diyaarado dagaal oo ay leeyihiin Melleeteriga Kenya ay xalay fiidkii duqeeyeen baadiyaha deegaanka Hoosingoow.
Duqeynta ayaa ka dhacday deegaan lagu magacaabo (Gurur) oo ay deganyihiin dadka xoolaha dhaqtada ah gaar ahaan kuwa loo yaqaan Lo’layda ee Lo’da dhaqda.
Dadka deegaanka ayaa sheegay in 2 qof ay isla goobta ku dhinteen halka hal qof kale uu dhaawac soo gaaray, wararka ayaa intaas ku daraya in 12 neef oo Lo’ ah ay goobta ku bakhtiyeen halka 50 kale ay waxyeello gaartay.
Qof ka badbaaday duqeynta ayaa warbaahinta u sheegay in 4 gantaal ay ku dhaceen tuulada Gurur islamarkaana ay dhulka howdka ah ufirxadeen boqolaal neef oo Lo’ ah.
Habeen hore ayay aheyd markii sidaan oo kale ciidamada Kenya ay duqeyn uga geysteen deegaanka Welmaaroow oo hoos taga degmada Afmadoow ee isla gobolka Jubbada Hoose, dowladda Kenya ayaa xasuuqa ku haysa shacabka Soomaaliyeed ee deggan Jubbooyinka iyo Gedo.
