Munaasabad aad u ballaaran oo ka dhacda degmada Bu’aale ee xarunta Jubbada dhexe ayaa beesha Dabarre waxay ku caleema saaratay ugaaskeeda wilaayada islaamiga ee Jubbooyinka.
Xafladda oo ay kasoo qeybgaleen masuuliyiin katirsan Xarakada Mujaahidiinta Al-Shabaab, Culimo, waxgarad iyo Odayaal dhaqan ayaa lagu caleema saaray Ugaas Cali Cismaan Dacar oo ah ugaaska cusub ee beesha Dabarre qeybtooda degta wilaayada islaamiga ee Jubbooyinka.
Munaasabadda waxaa laga jeediyay kalimaad kala duwan, iyadoona dadkii joogay ay ku baaqeen in lala shaqeeyo Ugaaska cusub, islamarkaana garabkiisa la buuxiyo.
Dadka ka hadlay Munaasabadda waxaa ku jira Sheekh Muxamad Abuu Cabdalla oo ah waaliga wilaayada islaamiga ee Jubbooyinka, kaas oo dardaaranno muhiim ah u jeediyay ugaaska iyo beesha intuba.
Wuxuu sidoo kale waaligu Ugaaska cusub gudoonsiiyay Kitaabka Qur’aanka kariimka, Qori iyo booshkiisa.
Gudoomiyaha Odayaasha dhaqanka ee wilaayada islaamiga ee Jubbooyinka Suldan Cabdul-Qani ayaa sidoo kale kamid ah marti sharafta ka hadashey munaasabadda.
Halkan ka dhagayso kalimadda Waaliga Jubbooyinka Sheekh Abuu Cabdalla
